Abstract:
Qorannoon kun kan geggeeffame Shaakalawwaniifi Danqaawwan Modela Guddina Ogummaa
Ofii Qajeelfatanii Barsiisota Afaan Oromoo Mana Barumsaa Sadarkaa Lammaffaa Haramaayaa
xiinxaluun hojiirra oolmaa modela kanaa ilaaluufi dha. Qorannoo kana geggeessuu keessatti, malli
akkamtaa hojiirra kan oole yoo ta‟u keessaayyuu tarsiimoo fenoomenoolojii jedhamutti dhimma
bahameera. Hirmaattonni qorannoo kanaas barsiisota Afaan Oromoo shaniifi hoggantoota afur
Mana Barumsaa Sadarkaa Lammaffaa Haramaayaarraa mala iddatteessuu mit-carraa, keessaayyuu
iddatteessuu dhimmataatti fayyadamuun filatamanidha. Malleen ragaalee funaanuuf hojiirra
oolanis Af-gaaffii fi Marii Garee Xiyyeeffataa yoo ta‟an, ragaaleen argaman kunneenis mala
xiinxala akkamtaa keessaa mala gareessuutiin/tuutessuutiinfi tarsiimoowwan akkamtaa
keessaammoo fenoomenooloojii kan jedhamuun xiinxalamaniiru. Argannoowwan qorannichaa
kan agarsiisan dhimmamni guddina ogummaa barsiisummaa ofii qajeelfatan irratti jiru cimaa yoo
ta‟eyyuu hubannoon jiru garuu gadaanaadha. Dabalatanis, shaakalliwwan barsiisnni Afaan
Oromoo taasisan muraasa yoo ta‟an, isaanumtuu danqaalee madda garaa garaa irraa dhufaniin kan
hudhaman ta‟uu isaaniiti. Karaa biraas, deeggarsiifi hordoffiin hoggantoota mana barumsichaarraa
taasifamu gadaanaa ta‟uu isaati. Walumaa galatti, kan guduunfuun danda‟amu haalli guddinni
ogummaa barsiisummaa ofii qajeelfatanii mana barumsichaa keessa jiru laafaa akka ta‟edha. Akka
yaboowwaniitti, barsiisonni kutattummaan hirmaachuu, barattoonnis fedhiif hamileen hordofuu,
hogganttoonnis si‟aayinaan deeggarsaaf hordoffii taasisuu, mootummaanis jireenya barsiisaa
fooyyeessuu irratti hojjechuu akka qabanidha.
