Abstract:
Qaaccessa adeemsiifi raawwiin jaarii loonii aadaa, duudhaa, seenaafi ooltee bultee gabbataa
uummanni Oromoo Maccaa qabu keessaa tokkodha. Kaayyoon qorannoon kun barbaachiseefis
dhiimma kana ifatti baasee hawaasa birootti mul’isuudha. Yaada kana hordofuudhaan yeroo
ammaa Adeemsaafi Raawwii Jaarii Loonii Baasuu Oromoo Maccaa: Godina Horroo Guduruu
aanaa Habaaboo Guduruu qorachuun beekumsa Oromoo tursiisuuf gahee olaanaa qaba . Bocni
qorannoo kana keessatti dhimma itti bahame sanyaabsaadha. Maddi ragaalee qorannichaa
immoo madda ragaa tokkoffaafi madda ragaa lammaffaati. Ragaaleen qorannichaa
iddattoowwan tooftaalee iddatteessuu miti carraa keessaa dhimmataafi darbaa dabarsaatti
dhimma bahameera. Meeshaalee funaansa ragaalee kanneen akka hub-daawwannaa miti
qindaa’aa, af-gaaffii,marii garee xiyyeeffannaafi sakatta’a galmeewwanii dhimma bahamaniiru.
Gama biraatiin, duudhaa, Adeemsaafi raawwiin jaarii loonii baasuu walduraa duubasaa
eeggatee akka kabajamu, wantootni ayyaana kana kabajuuf barbaachisan maal akka ta’efi
yoomessi isaa daangahaa ta’uu argannoo qorannichaa keessatti bira gahameera. Yaada
furmaata qorannoo kanaa kan ta’an namoonni ayyaana kana kabajatan nageenya horiifi ofii
waan qabaniif eenyuyyuu kabajuu akka qabu,ayyaana jaarii loonii kana kabajuu dhiisuun
dhiibbaa hormaanni dhaabbachuu, loon nagaa dhabuu fa’a waan qabuuf kana hambisuuf
kabajuun barbaachisaa akka ta’eefi falaasamni dhimma hawaasichaa ibsan hedduuminaan
sirna kana keessatti mul’atan waan jiruuf osoo kabajan gaariidha.
