Xiinala Fayyadama Afaanii Walaloowwan Zalaalam Abarraa Filataman Keessatti

Abstract

Kaayyoon qorannoo kanaa, Xiinxala Fayyadama Afaanii Walaloowwan Zalaalama Abarraa filataman keessattii xiinxaluudha. Malli qorannoo hojiirra ooles, mala qorannoo „akkamtaa‟ yemmuu ta‟u, Maddi ragaalee qorannichaaf dhimma itti bahame, madda ragaa sadarkaa tokkoffaati. Gama biraatiin, Iddattoon qorannoo kanaaf filataman walaloowwan matadureen isaanii: „Utuu!‟, „Ana „Anaafi Ana‟, „Asiifi Achi‟ fi „Malli Maali?‟ kanneen jedhaniidha. Malli funaansa ragaalee hojiirra oolemmoo, mala qaaccessa harshammee yoo ta‟u, ragaalee funaanaman mala qaaccessa ragaalee, allakkoofsawaatti dhimma bahuun qaacceffamani. Kanaanis walqabatee, argannoowwan qorannoo kanaan bira gahaman: haalli itti fayyadama afaanii walaloowwan filataman keessatti hojiirra ittiin oolan, kan garaagarummaa haala qabatamaa hawaasa keessa jiru ibsuurratti xiyyeeffate ta‟uusaa, jechoonni walaloowwan filataman kessaatti dhimma itti bahaman kanneen amaloota, gochoota, sochiilee namoota irraa mul‟atan bifa yaad-fakkiitiin sammuu jamaa keessatti suuressan ta‟uusaanii, Jechootni filatamanii dhimma itti bahaman, jechoota ummanni adeemsa jiruufi jireenya isaa keessatti itti fayyadamu ta‟uurraa kan ka‟e hubannaa namootaa kan hindanqine ta‟uusaaniifi haalli fayyadama afaanii walaloowwan filataman keessatti hojiirra ittiin oolan, haala jechoota afaaniitiin sammuu namaa keessatti fakkii yaadaa suuressuu danda‟aniin kalaqaman ta‟uu isaaniiti. Dhumarratti, yaadotni yaboo qorannichaa akka ta‟aniif qoratichaan eeraman haala fayyadama afaanii, walaloowwan filataman keessatti dhimma bahaman akka muuxannoo fakkeenyummaa gaariitti fudhatamuun namootni biroo dirree hojiilee kalaqa walaloo irratti bobba‟anii jiraniifi fuula duraaf hawwii qaban akka irraa barataniif osoo haalli mijateefii gaarii ta‟a