XIINXALA YAADAYOO DALAGAALEE BARREESSUU KITAABA BARATAA BARNOOTA AFAAN OROMOO KUTAA 11FFAA

Abstract

Qorannoon kun xiinxala yaadayoodalagaalee barreessuu kitaaba barataaa barnoota Afaan Oromoo kutaa 11ffaairratti xiyyeeffate.Qorannicha keessatti, mala qorannoo walmakaatti dhimma bahame. Malli ragaaleen ittiin funaanaman sakatta’a harshammee yoo ta’u, ragaan haala kanaan argame gabateefi lakkoofsaan xiinxalamee ibsiitti kenname.Ragaaleen xiinxalaman akka mul’isanitti, yaadayoon dalagaalee barreessuu kitaaba barataa barnoota Afaan Oromoo kutaa 11ffaahanqina qabaachuu isaati.Argannoowwan qorannoo kanaa irraa akka hubatamutti, yaadayoowwan dalagaalee barreessuu kitaabicha keessatti argamanyaadayoowwan muraasa qofaaf xiyyeeffannoon kan kenname ta’uu; sadarkaafi dandeettii barattootaa kutaa sanarra jiraniin kan wal hinginnee,,fi dalagaaleen barreessuu kitaabicha keessatti dhiyaatan gahumsi isaanii laafaa ta’uu argisiisa.Kunis, kitaabichi yeroo qophaa’u yaadayoowwan baay’eef xiyyeeffannaa kennuu dhabuufi sadarkaa barattootaa ilaalcha keessa galchuu dhiisuu akkasumas, gahumsaan qindaa’uu dhabuudha.Argannoowwan qorannoo kanaa irraa ka’uun, yaadoleen furmaataa: qaamoleen meeshaalee sirna barnootaa Afaan Oromoo qopheessan kaayyoo waliigalaa yaadayoowwan dalagaalee barreessuu kitaaba barataa barnoota afaan oromoo kutaa kudha tokkoffaa keessatti dhiyaachuu qabaniin wal simsiisanii xiyyeeffannoon keessa deebi’anii osoo fooyyeessanii gaariidha.Hanga kitaabichi qaama dhimmi ilaaluun xiyyeeffannoo argatee fooyya’utti barsiisonni yaadayoolee hunda bu’uura godhachuun barattoota deeggaruun, galma gahiinsa sagantaa barnoota afaaniitiif gumaachuu qabuun dhaamsa qoratichaati