XIINXALA DHIYEESSA GAALEEWWAN II KITAABA BARNOOTA AFAAN OROMOO KUTAA 11FFAA

Abstract

Kaayyoon gooroo, qorannoon kun gaaleewwan kitaaba barnoota Afaan Oromoo kutaa 11ffaa keessatti argamu ibsuufi xiinxaluudha. Haala dhiyeessa gaalee kitaaba barnootaa kutaa 11ffaa xiinxaluun fooyya’iinsa baruufii barsiisuu Afaan Oromoo irratti fida waan ta’eef qorannoon akkasii barbaachisaadha. Malli akkamtaa qorannoo kana keessatti kan dhimma bahame yoo ta’u maddi ragaa inni itti dhimma bahes madda ragaa sakatta’a harshammee kan akka kitaaba barataafi qajeelcha barsiisaa Afaan Oromoo kutaa 11ffaa bara 2005 qophaa’anidha. Iddattoon qorannicha keessatti dhimma bahame iddattoo miticarraa akkayyoo yoo ta’u sakatta’a harshammee gargaaramuun ragaaleen caatoo, unkaa, akkasumas gabateefi himaan qaacceffamaniiru. Kana malees qorannichi hariiroo gaaleewwan qaban akka argannootti gahee gaaleen Afaan Oromoobarsiisuu keessatti qabu kanneen akka:qaamolee himaa ta’uun tajaajiluu,mataduree gaarii tokko dhiheessuufi afoolotni Oromoo kanneen akka jechamaa bifa gaaleetiin akka dhihaatan adda baheera. Kana malees , tooftaa ittiin gaaleetti gargaramuun gosoota gaalee salphaatti addaan baafatan; gaaleewwan Afaan Oromoo bifa kamiin akka caaseffaman, hariiroon gaalee, maal akka ta’an kan ittiin xiinxalamanidha. Argannoon isaas dhiyeenyi qabiyyee gaaleewwaanii kitaaba barnoota Afaan Oromoo kutaa 11ffaa bakka tokkotti walitti hacuucamuun yoodhihaate dhiibbaa kan qabu ta’uu isaa kan ittiin qaacce ffamanidha.Yaadni furmaataa isaas Warreen meeshaalee barnootaa qopheessan qabiyyee gaaleewwanii bakkuma tokkotti walitti hacuucuun dhiheessuurra boqonnaalee adda addaarratti yoo raabsan bu’a qabeessa akka ta’e kan ittiin ibsamedha.