Abstract:
Qorannoon kun kan irratti xiyyeeffatu Qaaccessa Barreeffama Barjaalee Magaalaa Roobee irratt
ta’a. Kaayyoon qorannichaas hanqinaalee barreeffama barjaalee keessatti mul’atan qaaccessuun
sirreessuudha. Kaayyoo qoranichaa kanaas galmaan gahuufis gaaffileen bu’uuraa sadi
qopheeffamanii irratti hojjatameera.Sakatta’iinsi barruu firoomaniifi sakatt’iinsi barruu walfakkii
qorannoo kana gabbisuuf jecha haala gaariin taasifameera. Malleen qoranno keessattis saxaxni
qorannoo akkamtaa akka ta’eefi akkamtaa jalatti qaaccessaaf mala ibsaa fayydameera. Tooftaan
iddattoon qorannichaa itti filatames bifa qorannoo miti-carraa akka ta’e qorataan ibseera.
Meeshaaleen funaansa ragaalee qorannoo kanaaf filatamaa ta’an daawwannaa dirreefi af gaaffiidha. Qaaccessa qorannichaas malleen qorannoofi meeshaalee fiatamanitti fayydamuun
boqonnaa afur jalatti qaaccessi adeemsifameera. Qaaccessi kunis mala akkamtaafi meeshaalee
lamaan daawwannaa fi af-gaaffiin ta’ee gaaffilee bu’uuraa qorannichaa deebisuuf yaaleera.
Akkasumas, irrattis argannoon qorannoo kanaa boqonnaa shan jalatti haala ifa ta’ee fi gabaabaa
ta’een kaa’amee qorannichi gaggeeffamee jira. Argannoon qoranichaa akka mul’isutti akkataan
fayyadama caasaalee keessatti dogongora qubeessuu, fayyadama jechootaa, jijjiirraa afaanii
barjaalewwan magaalaa san keessatti argaman ilaalameera. Isaan kunniin immoo jechoonni
ergaa barbaadame osoo hintaane hiika biroo akka dabarsan, yookin hiika akka dhaban taasiseera.
Waaltina jechoota Afaan Orommoo irrattis gufuu ta’ee mul’teera.Dhumarrattis, qorannichi haala
gaariin gaggeeffamrrea.
