Abstract:
Qorannoon kun himoo sirna awwaalchaagodina shawaa lixaa aanaa liiban jaawwiirratti
jedhurratti. Kaayyoon qorannichaa xiinxala afwalaloo dhaadanii himuu ta’ee, kaayyoo kana
galmaan ga’uuf maddi ragaa qorannoo kanaaf odeeffannoon irraa funaaname madda ragaa
tokkoffaadha.Kunis mala iddetteessuu 1miti carraa keessaa iddetteessuu akkaayyoofi darbaa
dabaresaatti gargaaramuun filatamanii jiru.Odeefannoon raga himtootarraa meeshaalee
funaansa ragaalee afgaaffii fi daawwannaatti dhimma bahuun funaanameraa.Argannoon
qorannoo kanaan bira ga’ames hawaasini aanichaa namoota osoo lubbuun jiranii jireenya
dhalli namaa jiraatu jiraachuu dadhaban osoo carraaqanis haa ta’u dhiba’ummaan jireenya
hamtuu jiraataniif osoo lubbuun jiranii du’aa kan jedhamaniifi namoota lubbuun darbaniii
seenaan isaanii lubbuun jiraatu dhalootaaf kaa’aniif,kan awwaalli isaanii isaan jajuuf isaaniin
hin dune, kan isaanii du’a hin jedhamu kan jedhan ta’uu bira ga’ameera.Haalli raawwii itti
himan kan gareefi dhuunfaan qoodamanii himan yoo ta’uu,gareen himoon fardaafi lafootti kan
qoqqoodamuufi gareen kunneen iddoo birootti hiramee kan himu yoo ta’u,hirmaattonni ykn
himoo kana irratti qooda kan fudhatu namoota jaalala nama sanaa qabaniifi garee afooshaa
ta’uu qorannoo kanaan ibsameera.Akkasumsa,aadaa himoo kana keessaa kan iddoo jiran
afoollaaniifi raawwiin sunneen yoo ta’u,kan bifa ammaayyaan dabalame fardarras haa ta’u
konkoolaataa irra ba’anii walaleessuu yoo ta’u sababa amantaa,nageenyaafi tekinooloojiin
meeshaaleen akka qawwee,gaachanaafi zinnaaraa kan iddoo isaa gadhiisan ta’uun isaanii
argannoo qorannoo kanaati. Yaboon qorannoo kanaa himoo sirna awwaalchaa hawaasichi
kallattiin aadaafi duudhaa hawaasa kanaa immoo seera qabeessaan qoratee akka dhiyeessu itti
gaafatamummaa kan qabu dhaloota bakka bu’u ta’uu isaa qorataan kun kallattii kaa’a. Waajirri
Aadaafi Turiziimii Aanaa Liiban Jaawwii aadaa himoo kanaafi kan kanaan wal qabatan irratti
xiyyeeffannoon afwalaloo himoo kana barreeffamaan, sagaleefi vidiyoon waraabee dhaloota itti
aanuuf osoo darbarsee gaarii ta’a
